رواية الله يخليك لا تخليني

الله يخليك لا تخليني

**************************
وش بسوي
إذا بيوم صار البعد بيننا
أميـــــــــــــال؟؟
وش بسوي
لو فقدتك
وفقدت منك
الجمـــــــــال؟؟
وش بسوي لو احتجت أشتكي؟
من بيمسح
دمعتي؟؟
من بيرسم
ضحكتي؟؟
من بيقصد لي قصيد
لو يوم سرت له
أشتكي؟؟
ترى بقدر أمسح دمعة
تسكن بوسط العيون؟
بقدر أخفي حزن
يسكن القلب الحنون؟
بقدر أبرئ قلب
ذاب من كثر الظنون؟
بقدر أسامح نفسي
لأني بيوم نطقت كلمة
أكرهك؟
بقدر أعيد
كلمتي
وأهمس فأذنك
أعشقك؟
جاوبني قبل لا يصير
البعد بيننا
أميـــــــــال
**************************

حبيت أنشر لكم روايتي الأولى وأخذ رايكم فيها
بس أبي منكم تفاعل علشان أنزل بارتات ثانية
تمام؟؟؟

البــــــ الأول ــــارت 

قمت من نومي وانا كسلاااااانة حيل عيوني وارمات وشعري منتفش وحالتي حالة طالعت الساعة كانت 11 وربع تقلبت في الفراش وبعد لحظات سحبت نفسي من السرير بكسل ورحت صوب الحمام غسلت وجهي واسناني وطالعت نفسي بالمراية ابتسمت على شكلي المرعب هههههه اللحين بيهتز البيت من صراخهم.. رفعت شعري بشوكة وطلعت

نزلت الصالة وما حصلت احد غريبة بالعادة الخميس الكل يكونوا موجودين ااااااااه مو مهم وينهم المهم الله يحفظهم وين ماهم رحت المطبخ شفت دلة الشاي وبيض مقلاي وما ادري شنو بعد ما ركزت لان ما كان نفسي اكل شي فتحت الثلاجة وجذبني عنقود عنب اخضر يممممممم هذا اللي كان نفسي فيه بهالوقت شي بارد يبرد علي

اخذته وطلعت الصالة مرة ثانية فتحت التلفزيون على قناة ام بي سي بس ما كان طالع شي حلو جلست عالكنبة وبديت اكل العنب وفجاة رن تلفون البيت رحت صوبه بهدوء ورفعته
انا: الو
: فديت ارق الو بكل بكوني
انا: من معي؟
:حبيبج وحبيب روحج خااااااالد
هزت لي الصدمة كياني: خالد؟.. وكملت بارتباك:خير شتبي؟
خالد: وينج اتصل على موبايلج وما تردين
انا: قول وش تبي وخلصني
خالد: انتي اكثر وحدة عارفة وش ابي
انا: لا مو عارفة عرفني
خالد: ابيج انتي ياحبي
قلت له بعصبية: ولاحتى باحلامك

وسكرت التلفون بعصبية الله ياخذه خرب يومي بالكامل بصوته اكرهه واكره تسلطه وقلة ادبه اففففف.
خلوني اعرفكم على نفسي

انا همس محمد العالي عمري 18 سنة بثالث ثانوي علمي جميلة بشكل لافت شعري اسود وطويل وعيوني عسلية وواسعة اممممممم وش بعد تبون تعرفون عني ايه انا شطورة بالمدرسة هههههه لازم امدح نفسي طبعا بس مو غرور لا يروح بالكم بعيد انزين بعد انا عايشة مع امي وابوي الله يخليهم لي واختي ميس تدرس بالجامعة سنة ثالثة عمرها 21 وهي طول الاسبوع بالجامعة وتجي بس خميس وجمعة وهالشي يخليني احبها اكثر واشتاق لها وانتظر الخميس بفارغ الصبر علشان اقولها اخر اخباري وهي مخطوبة من شهرين وما ادري العرس متى بيكون وبعد عندي اخوان اثنين الاول اسمه فراس عمره 25 مهندس معماري متزوج وعنده ولد عمره 5سنوات اسمه احمد وبنت سنتين اسمها جنى زوجته حبوبة اسمها مرام عمرها 23 سنة وانا وهي مع بعض كثير واخوي الثاني الشرير اسمه مياس دايم اضحك عليه لان معنى اسمه الاسد المتبختر في مشيته حبوب وايد عمره 22 وانا وهو كله ضرابة بس احبه ويحبني ويخاف علي بشكل مو طبيعي وهو بالجامعة سنة رابعة وقريب بيتخرج منها

بعدما سكرت التلفون جلست على الكنبة مرة ثانية صارله فترة ما اتصل وش اللي يبيه اللحين الا صحيح هو متى رجع من امريكا؟ ورجعت بذاكرتي سنتين لوراء كان عمري 16 بهذاك اليوم حاول هالكلب انه يعتدي علي بس الحمدلله انه نجاني منه ومن ذاك اليوم وانا ما اطيق حتى اسمع اسمه لدرجة اني صرت ما اطلع من البيت كثير وبيتهم بالذات ما ادخله الا بالمناسبات اووووووه على طاري المناسبات اليوم عرس اخته اللي هي بنت عمتي يعني بدخل بيتهم يا كرهي له والله يا خسارة حب دانة لك بس

شرايكم اعرفكم على هالحثالة الله يعينكم تصبروا عاد
اسمه مثل ما عرفتوا خالد اكبر مني باربع سنين يعني اللحين عمره 22 سنة والله ما يستاهل هالرقم ابدددددد لانه رقم حظي اي شي فيه اثنين عرفوا ان اكيد فيه شي حلو لي مثلا رقمي المدرسي 222 وانا الوحيدة اللي جاي كذا كشخة وتاريخ ميلادي 22\12 ما ادري سبحان الله ملازمني الــ2 .. امممممممم طيب خلينا نرجع له ابيضاني جسمه رياضي وحلو اذا بغيتوا الصراحة هو جماله ما عليه كلام خاصة عيونه الخضراء وهالشي غريب لانه الوحيد في العائلة اللي عيونه خضراء احيانا اقول هو اكيد مو من عائلتنا وعمتي متبنتنه وياريت يكون كلامي صحيح ..ومثل ما يقول انه يحبني بس انا اكرهه بسبب قلة ادبه واهم شي لاني احب واحد ثاني .........

لا تطالعوني كذا انا اقصد الحب البريء والله حتى ان اللي احبه ما يدري عن حبي له

وهو يدرس بامريكا اقصد خالد وشكله اللحين تخرج اول سنتين له كان بكل اجازة يرجع عمان بس بعد اللي سواه فيني ما صار له عين يرجع واللحين راجع بشره مرة ثانية
على فكرة دندونة بنت عمتي تحبه مووووووت وهالشي سبب ثاني مخليني اكرهه مو لاني اغار منه لانها يمكن تكون تحبه اكثر مني بس لاني ما استحمل نظراته الشيطانية لي احسها خيانة مني لها حتى لو كنت انا مو راضية لو تصدقون بعد اللي سواه فيني جلست فترة ما اقدر حتى ارفع عيني بعينها وتقهرني لما تقول مشتاقة له

وفجاة قطع علي تفكيري امي
امي: واخييييييرا قمتي
انا: ههههههه يممممممه والله جوعانة نوووووم خلوني هي كلها الا خميس وجمعة
ميس: ترا الامتحانات قربت لازم بهالوقت تبدين تذاكرين خلي النوم لبعدين شوفيني انا دخلت الجامعة فديتني
انا: ترا الا كلية الاداب لغة انجليزية ترجمة بس انا يا عمري بدخل طببببب
امي: الله يوفقج يمه
قمت وبستها من خدها بعدين قلت: الا انتوا وين رحتوا؟
ميس وهي تبي تغيضني لانها تدري اني اكره خالد بس ما تدري ليش: رحنا عند عمتي نادية وما انتظرناج
انا: زين سويتوا لما ما انتظرتوني
وفجاة دخلت مرام: هههههه اموت واعرف انتي ليش ما تحبين تروحين عندهم
رديت عليها: الناس اذواق يا قلبي
ميس: عل فكرة ترا البنات كلهن هناك
انا بشهقة: قولي قسم .. يالخاااااااينات ما خبرني
مرام: طالعي تلفونج انتي من ساعة يدقن عليج يحليلهن
انا: لا والله..يعني ما يقدرن يجين ينادني؟ ترا الا شبرين بين بيتنا وبيتهم
امي: لا تطولين السالفة وهي قصيرة روحي لهن الحين وخلصينا
شوي ويدخل مياس: ااااووووووووه طردة معتبرة بصراحة
انا: يمه يرضيج تخلينه يضحك علي
امي: كيفكم تنجازون
وراحت غرفتها
مياس: وين تبين تروحين
انا: تكلمني؟
مياس : لا اكلم اللي وراج
التفت وراي وما كان في احد بس استهبلت عليه ومشيت صوب الدرج
مياس وهو يلحقني: اكلمج ترا
انا ببراءة مصطنعة: انت قلت تكلم اللي وراي
مياس: لا تستهبلين.. وين بتروحين؟
انا: امممم ما اعرف اذا كنت بروح بيت عمتي ولا لا
مياس: وليش ما تروحين؟
انا: مالي بارض
مياس مسك ايدي بقوة وقال: بتروحين غصبن عليج من متى ما دخلتي بيتهم استحي هذولا هم جيراننا ولا تسالين عنهم
استغربت من ردة فعله هذي اول مرة يعصب لاني ما اروح لهم في العادة ما يهتم بالموضوع ابد
قلت له: ليش غصب يعني؟
مياس بعصبية: لا تكثرين كلام بتروحين يعني بتروحين والحين
وطلع غرفته وانا بدوري طالعته بصدمة وبعدين لفيت على مرام وميس وسالتهن: شفيه هذا؟
مرام: بصراحة هو صادق مو حلوة ما تروحين لهم عاد اليوم عرس سهى وبعد ما بتروحين؟
بصراحة هم صادقين يعني من اكثر من سنتين وانا ما دخلت بيتهم الا كم مرة مع ان نهى وسهى كثير يجين عندي وعمتي دايم تسال عني بس انا مطنشتنهم كلهم وما افكر الا بنفسي واني ما ابي القى هالخالد الحثالة ااااااااااه ما ادري ليش اكون انانية احيانا بس قسم بالله لو يدرون باللي كان رح يصيرلي قبل سنتين لانتقلنا من هنيه وتبرينا من عمتي وعيالها
فرديت عليهن بحزن ممزوج بتانيب الضمير :طيب الحين بروح

صعدت داري فتحت كبتي بديت ادور شي البسه يكون مناسب لطلعتي امممممممم وش البس ؟ الاحمر احسن؟ لا لا مايصير بالليل بلبس احمر طيب الازرق او البنفسجي اممممم طيب خليني البس هالازرق البحري وايد حلو لونه .. كان عبارة عن قميص طويل قماشه من النوع اللي يرص كان واصل لفوق الركبة بشوي ومعاه بنطلون ابيض وشيلة بعد بيضاء

وقبل لا ادخل اتحمم شيكت على تلفوني حصلت 3 مكالمات من دانة بنت عمتي وصديقة روحي ومكالمة من ميس ووحدة ثانية من جود بنت عمتي خالصة و5 مكالمات من رقم غريب وحصلت خمس رسايل فتحتهن وكانن

دانة
(صباح الخير ياقلبي.. احنا عند خالتي نادية ننتظرج تعالي)

رقم غريب
( كيفج حبي .. ما اشتقتيلي مثل ما اشتقتلج؟ ردي ابي اكلمج ضروووووري)
هذا اكيد هالحقير الحثالة الله ياخذه

فتحت الثانية

دانة
(هموووووسة بسج نوم وكسل لو ماجيتي اللحين برمي نفسي من الدرج ترا صديقتج لوعتني)

ضحكت من قلب عليها شكل رانيا معاهن وطفحانة منها

فتحت الرابعة وكانت من الرقم الغريب نفسه
(حبيبتي يمكن تكوني ما عرفتيني هذا انا خاااااااالد رجعتلج وهالمرة ما رح اخليج مهما صار)

انصدمت لما قريتها شكله ناويلي على نية هالمرة بعد.. بس لا انا اللحين صرت غير مو انا همس اللي كانت تفكر كل الناس بطيبتها وبحسن نيتها ومستحيل هالمرة تقدر تسوي فيني شي بالعكس انا اللي رح انتقم منك وما رح اسامحك طووول عمري وبتشوف
فتحت الرسالة الخامسة وانا كلي تحدي ان هالرسالة تكون منه مرة ثانية علشان هالمرة بوريه شغل الله بس المفاجاة انها كانت من -----

-----
--
-
---

عديل الروح,,

انصدمت وفتحتها بايدين مرتجفة

( كيفج همس؟ اذا حتجتي لاي مساعدة في الدراسة انا تحت امرج وتراني انتظرج تكملين الطب معي ولا تنسي انج قلتيلي بيوم من الايام اني قدوتج..)

ارتسمت ابتسامتي المعتادة اللي تلازمني اول ما اسمع اي شي عنه وقلبي بدا يرجف رجف وصرت احرك شعري باصابعي بصورة سريعة من التوتر هذي اول مرة يرسلي فيها اصلا انا مخزنة رقمه عندي علشان بس اتامله كل ليلة واقول متى يجي اليوم اللي يصير فيه عادي ادق على هالرقم واقول تعبانة محتاجة لك او حتى فرحانة وبعد محتاجة لك متى اقدر انطق كلمة احبك بدون ما اخاف من اي شي بس عمري ما فكرت اني اتصل فيه او اراسله وبصراحة الشي اللي كان بنظري مستحيل انه هو يرسلي بيوم من الايام

ياربي احبه والله اني احبه بس وش اسوي علشان يعرف مستحيل اقوله بيوم احبك بس ياريته يحس فيني ههههههه واخيرا تذكر ان عنده بنت خال تنتظر منه كلمة ولو وحدة يالله المهم انه عرف قيمتي وشكله بدا يحبني والدليل انه تذكر اني قبل سنتين قلت له انت قدوتي وين ما تروح انا وراك فارجوك وصلني لاحلى مستقبل وفعلا هذا اللي سواه ودخل الطب وان شاء الله ياااارب اقدر الحقه

واخيرا بخبركم عن واحد يفتح النفس المفروض يكون اسمه اول واحد عالصفحة بس يالله القدر شنو نسوي بعد

اسمه ماجد جماله ذباااااااااااح بمعنى الكلمة يقول للقمر انزل وانا اتربع بعرشك فديييييييته مغررروووووووررر كثيييييير ويمكن هالشي اللي معذبني بزيادة بس معلقني فيه اكثر يدرس طب سنة ثانية عمره 20 شفتوا قلت لكم الشي اللي فيه رقم 2 يعني بيكون شي حلو لي المهم شعره نااااااااعم حتى انه ما يقدر يرفعه الا بجل لانه يسيح على طول جسمه رياضي واسمراني وعيونه سووووووود ووساع حبووووب ووسيم ملابسه ستايل والله انه ينحب على طول هادي ورزة وخجول شوي عكس الحثالة خالد اللي كل الامور عنده عادي وفري بدرجة كبيرة يمكن خالد احلى عنه شكليا بس ماجد صفاته واخلاقه احللى من كل شي وكفاية حبي له اللي مخليني اشوفه ملااااك وما اشوف احد غيره المهم انا احبه من 8 سنين تخيلوا ولا مرة حس فيني ومحيرني بتصرفاته مرة اقول يحبني ومرة اقول انه مايكره احد كثر ما يكرهني بس بعدني امووووووت عليه مهما صار وترا هو ولد عمتي خالصة
اخذت لبسي ودخلت الحمام وانا اغني

مشتاقة ليك,,
شوق’’ الهوى لروحي
وحياة عينيك,,
ذابت انا روحي
من زمان مشتاقة،، لاشوفك
يا زمان,, ارجعلي بوصوفك
مشتاقة ليك شوق‘‘ الهوى لروحي
وحياة عينيك ذابت انا‘‘ روحي

طلعت متحممة سشورت شعري عالسريع وناظرت نفسي عالمرايه
ماشاء الله عندي جمال كل بنات العايلة ما عندهن مثله فديت روحي والله اخذت تلفوني وانا افكر ارد عليه برسالة ولا لا؟ احسن ما ارد وش بيقول عني اصلا ما تعودت ارسل حج اي احد مهما كان غير اخواني فاتصلت على رقم دندون
دانة: الو
انا: لا تقولين الو يالسفلات انا زعلانة سويتنها خيانة ورحتن عني مو؟
دانة: ههههه بسم الله شفيج خلاص اسفين وحقج علينا تعالي اللحين احنا ننتظرج
انا بعناد مصطنع: ما ابي زعلانة
دانة: خلاااااص حبيبتي اسفين والله بس تعالي المكان مو حلو دونج
قلت لها وانا اتذكر رانيا: ههههه شخبار رفيجتج
دانة: اسكتي قسم بالله فيني كرووووووب منها
قلت لها: هههههه خليها لي اللحين بجي انتن وين جالسات
دانة: بغرفة سهى تقول ما تبي تفارقها اليوم بتشتاق لها
قلت بضحكة: بروحها مستعجلة على زواجها لا يطير الحبيب من ايدها
دانة: انتي تبين تفهميني ان لو ماجد جاء وخطبك اللحين ما بتوافقي؟ ع الاقل هي مخلصة ثانوية بس انتي
رديت عليها: يالله مخلصة ثانوية ترا الا من سنة الا صحيح فاااااااااتج مجودي راسلي رسالة
دندون بفرحة: انتي راسلج رسالة بس انا حن علي ورجع لديرته علشاني
غمضتني والله على بالها راجع علشانها بس اكيد راجع لانه بيسوي موال براسه من زمان فقلت وانا اتنهد: يااااااااارب ترزقني ماجد زوج صالح وترزق دندون خااااااالد اذا كان فيه خير لها
دانة: وش معنى انا اذا فيه خير بس يرزقني اياه وانتي لا
قلت لها: يااااااارب تسوي اللي فيه خير لي ولها
قالت: ايه هذي الدعوة السنعة شرايج نثبت عليها ؟
قلت: ايه فكرة كل ما تذكرتيني قوليها وانا بعد
دناو: تماموووووو.. بس يالله تعالي
قلت: جاية باي

سكرت التلفون وخليته مالي بارض اخذه معي ازافي فيه ونزلت مريت عالصالة ما حصلت احد قلت ما عليه ميس ومرام عارفات اني رايحة هناك وطلعت من البيت بعد ما طالعت شكلي مرة ثانية بالمراية الكبيرة اللي بالصالة مشيت بالحلة بينا وبين بيت عمتي نادية شارع واحد وبينا وبين عمتي خالصة بيتين يعني مجودي يسكن قرييييييب مني وهذا احلى شي بالدنيا كللللللللها وصلت عند البيت شفت مياس اخوي هناك سويت روحي زعلانة ومشيت من قدامه وما عبرته لحقني وهو يقول
مياس: همووووس اسف والله ما قصدي بس قهرتيني
انا طنشته مع اني نفسي انفجر من الضحك بهذيك الساعة بس مسكت نفسي
وصار يناديني وانا كلش ما كاني اسمع ابد الى في النهاية مسك ايدي ووقفني وجاء قدامي وصار مقابلني وقال: معقولة لهالدرجة زعلانة مني؟ اول مرة تصير وتزعلين كذا وعلى موضوع تافه بعد

لو اقولكم اني رحمته ما تصدقوني بس من صدق حسيته بيصيح اول مرة اشوف بعيونه هذي النظرة حتى انا بلحظة خفت اني افقده فعلى طول وبدون ما احس رميت نفسي بحضنه وانا حاسه ان العبرة خانقتني بشكل مو طبيعي قلت لكم ان صوت خالد بيضيع يومي بالكالمل حتى الرسالة اللي وصلتني من ماجد ما قدرت تمحي هالضيق علشان كذا بكيت بحضن مياس وانا اردد
: لا تخليني كون معي دايما الله يخليك انا محتاجة لك انت من بين كل الناس ما اتحمل بعدك
والله ان هاللحظة خلتني انسى الكل حتى ماجد صار ماله قيمة قدام اهلي لانهم الاساس بكل شي بحياتي والله احبهم موت ولو بيوم صار لاحد فيهم شي صدقوني رح ابيع دنيتي ساعتها علشانه وما ابي هالحياة لو فقدت واحد منهم ياااااااااارب انك تخليهم لي ياااااااااااارب
سمعته يهدي شهقاتي ويقول: خلاص هموستي خلاص يا عمري ما رح ازعلج مرة ثانية وتاكدي اني معج على طول

يمكن كلامه خفف شهقاتي بس ما ادري ليش ضيقي زاد بزيادة باسني على خدي وقال روحي اكيد البنات ينتظرنج

ابتسمت له من بين دموعي ودخلت

وصلت الصالة وما حصلت احد اكيد الكل منشغل تلفت ادور مراية لاني ما ادخل وايد هالبيت فما اعرف كل تفاصيله كنت ابي اشوف شكلي فيها بعدما بكيت اكيد عيوني اللحين وارمات ووجهي احمر لان انا بشرتي من النوع الحساس كل شي يخليها تحمر لفت انتباهي المسجل غريبة ليش مو مشغلينه ما عليه خليني اروح للبنات واللحين بننزل نرقص يمكن بيخف هالضيق

بس قبل لا اروح حصلت مراية بطرف الصالة قريب من المسجل وعلى طول سرت لها جلست اتامل نفسي كانن عيوني فعلا حمرات ومن شكلي واضح اني باكية وصرت افكر معقولة اعكر مزاجي علشان هالنذل معقولة قدر انه يخليني اتضايق بكل سهولة انا لازم اتحمل احنا اللحين بدينا وهو اكيد ما رح يكتفي باتصالات وبس انا متاكدة انه بياذيني بكل مكان اكون فيه علشان كذا لازم اكون اقوى لازم
لفيت ابي اطلع الدرج بس تفاجات باللي كان واقف وراي وما حسيت عليه وشكله كان واقف من فترة يتاملني لانه ما شال عينه عني لما لفيت يعني سرحان مرة ومندمج

كـــ ــــ ــ ـان

...

>>>

>>>

>>>

خااااااااااااااالد

من زمان ما شفته هذي سنتين مو شوي مهما كان ترا هو ولد عمتي وكنت اول اشوفه كل يوم ومتربية معاه يعني اكيد بفتقده كان متغير حييييييل لو اقولكم ان حلاه زاد لا تلوموني حسيته احلى واحلى من قبل .. شفته يضغط على زر في المسجل واشتغلت اغنية مرتاح لعبد المجيد وسمعته يقول هذي اهداء لج
وكانت كلماتها

(( مرتاح ولا
يتصنع قلبك الراحة؟
شايل بخاطرك
ولا البال متهني؟
مجروح ولا
شفى قلبك من جراحه؟
زعلان للحين
ولا راضي عني؟

شخبار قلبك
عسى ما فارق افراحه؟
ادري جرحتك
وشلت بخاطرك مني
خسران بعدك وقلبي
ضاعت ارباحه
غلطان ادري
وابي منك تسامحني

تدري عيوني بغيابك
ماهي مرتاحة
تبكي على فراق طيفك
وانت ذابحني
ياللي ذبحني بغلاه
شكرا على رماحه
اللي طعني بها وما يوم ريحني

جيتك من الشوق
والاشواق ذباحة
اسال عيونك
عسى للحين تذكرني
راضي بجرحك
ولامتصنع الراحة
تكفى عشانيابي ترجع وتسمعني))

وصار يرقص قدامي لو تصدقون ما ادري ليش خفت بهذيك الساعة صار العرق يتصبب من جبيني والرعشة سيطرت على ايدي وقلبي صار يضرب طبوووووول والله اني حسيت ان السخونة محاوطتني من كل صوب حسيت انه قاعد يسحب عني الاوكسجين وانه خلاص بيقتلني اللحين كنت اشوفه يرفع ايده بالهواء وهو للحين يرزف ويبتسم مرت علي ذكرياتي ومواقفي كلها معاه خاصة بهذاك اليوم علشان كذا بدت الدموع تتجمع بعيوني ولاحظت ان طيفه بدا يتقرب مني وبدون ما احس رجعت على ورا بخوف مو طبيعي وانا اشوف ان اللي قبل سنتين بينعاد ويتكرر وهالمرة بدون ما اقدر انقذ نفسي او اي احد ينقذني مسك ايدي وهمس لي: لا تخافين مني انا اسف انا رجعت وما رح اتركك هالمرة اوعدك
بدت تتكرر هالكلمة فعقلي واسمع صداها بقلبي

ما رح اتركك
اوعدك
ما رح اتركك
اوعدك
اوعدك

قلت لكم انه ناوي على الشر كانت عيونه تلمع كنت اشوف بعيونه نظرة اول مرة اشوفها كانت تلمع لمعة تحدي او شر او حتى يمكن حب و شوق بس ما يهمني كل اللي يهمني اللحين اني ابي اطلع من هنيه وفجاة جاء صوت من بعيد

:شصاير هنيه؟

ساعتها ترك ايدي وساعتها بس رجعت اتنفس وقدرت اتمالك نفسي ودموعي.. لفيت اطالع الصوت والصدمة انها كانت جود بنت عمتي ااااااااااه ما ادري افرح لانها انقذتني منه ولا ابكي لانها اخت ماجد يعني اذا فهمت السالفة على كيفها خلاص ما في امل ان بيكون ماجد بيوم من الايام لي
اااااااه صابني جمود بذيك اللحظة ما قدرت اني اتكلم او ابريء نفسي او حتى اسوي اي حركة علشان افهمها السالفة كل اللي قدرت عليه اني اسحب نفسي بخطى متعثرة بس ما حسيت فيه الا وهو يتقرب مني ومسك ايدي وهمس باذني
خالد: عمري مارح اخليج انتي لي انا وبس
وراح....

وقفت بمكاني ونزلت دموعي صارت تنزل بغزاااارة وتقربت مني جود حسيتها عاطفة علي ورحمانتني علشان كذا بدت شهقاتي تطلع وبكيت من قلب وانا اردد
اكرهه قوليله اني اكرهه ما ابيه فحياتي خليه يتركني بحالي اكرهه
حضنتني جود وبدت تطبطب علي وتمسح بايدها على شعري

ولما حسيت اني فرغت كل الشحنات اللي بداخلي رفعت راسي وقلت لها:
مشكورة
كنت ابي اقوم بس مسكت جود ايدي وقالت: ما بتقوليلي السالفة؟
قلت وانا احاول اني ابين طبيعية: لا سالفة ولاشي ما في اي شي
جود: واللي صار اللحين؟ ليش بكيتي؟ وليش قلتي اكرهه؟ وهو ليش كان ماسك ايدج ووش كان يقولج بهمس؟ فهميني كل شي يا همس
قلت بابتسامة مصطنعة: تدرين فيه يقهرني كالعادة ولاني ما شفته من سنتين حسيت ان دمه ثقيل
جود: همس... كوني بعيد عنه ارجوج خاصة خالد ما ابيج تكلمينه وايد ترا تغير بعد ما رجع من امريكا وصار تفكيره كلش غير
قلت لها وانا اقوم: تمامووووو وهذا اللي بسويه من اليوم ورايح
وصعدت عنها وانا طالعة شفت بوجهي دانة ارتبكت وخفت لا تكون شافت شي بس ارتحت نسبيا لما قالت: وييييينج يالماصــخــ ـ ـ ــ

ما كملت كلمتها لانها لاحظت عيوني ووجهي كله احمر وقالت بشهقة: وش اللي صاير؟
ما تكلمت كنت ابي اتجاوزها بس ما خلتني وجات قدامي وقالت: ما تعودنا نخبي على بعض يالله قولي
قلت وانا صوتي يالله يالله ينسمع: ما صار شي خلينا نروح نشوف البنات ترا ابي ارقص يالله
ومشيت عنها وظلت هي تتاملني بعدين تبعتني وكانها تذكرت شي حلو وقالت: صحيييييح شفتي خلودي؟ فديييييييته زايد حلااااه كثيييييير

نزلت عيني وانا اجاوبها لانها اذا شافت نظرة عيني بتكشفني لا محالة
وقلت: ما شفته
دندونة: والله انه فاااااتج اصلا هو كان يسال عنج يقول انه انتي الوحيدة اللي ما شافج مع انه المفروض انتي تكوني اول وحدة هنيه بما انج جيرانهم

طالعتها بنظرة قهر اكرهه اكرهه من قلب هي جالسة تتعذب وهو ولا حاس فيها ابد بالعكس يمكن يكون حاس بس مطنش لااا ومو جاي يحب غيري انا على باله بخون اعز رفيجاتي بس هالشي مستحييييييييل يصير

مشيت عنها ودخلت غرفة سهى حصلت الكل هناك
سهى: اللي اليوم عرسها بنت عمتي نادية حبوبة وطيوبة كثير
نهى: بعد بنت عمتي نادية توام سهى بس مختلفة عنها بكل شي حتى الزواج ما تفكر فيه اللحين
رانيا: بنت عمتي سعاد دلوعة حيل ومتغنجة تحب خالد موت وما تحب اي احد من بنات عماتي يذكره تقهرني لانها بتصرفاتها تقهر دانة انا مو ما احبها بس ما احب تصرفاتها
جمانة: اخت دانة اللي اكبر منها وهن بنات عمتي راية هي بنت عاقلة وحبوبة لما نسوي مغامراتنا تكون بعيدة عنا
قلت وانا اشوفهن وحدة وحدة كلهن وجوهن مبتسمة وفرحانات حتى سهى كانت تضحك
قلت: السلام عليكم
البنات: وعليكم السلام
جمانة: هلا والله هلا بحبيبة الكل
نهى: يالله هموووووس دايم تغطين علينا بجمالج الله يعين وش بنسوي بالليل

ابتسمت لها مجاملة

رانيا: لا تنكرون اني احلى من الكل
الكل طالعها باستهزاء ونقعن البنات من الضحك
قلت حج نهى وانا ما قادرة اجلس واتكلم
: نهى ممكن اروح لغرفتج شوي
نهى: طبعا حبيبتي الغرفة وصاحبتها تحت امرج
قلت لها: مشكورة
طلعت من الغرفة وحصلت دانة قاعدة تراقب من الدريشة
دانة: همسسسسس تعالي شوفي ماجد وخالد ومياس كلللللهم كشخة
قلت لها: اش رايج باخوي اذا زوجتج اياه بتوافقي؟
دانة: لا حبيبتي انا محجوزة خلاص حج حبيبي خلوووود

ضحكت بداخلي ما ادري على غباءها وسذاجتها ولا على احلامها الكبيرة ولا على شنو بالضبط بس انا من جد شعاري شر البلية ما يضحك

طنشتها ورحت عنها دخلت الغرفة حصلتها هادية وريحتها رووووعة بصراحة ارتحت فيها نفسيا خاصة انها كبييييرة وعلى طول رحت صوب الفراش اللي جذبني لونه كان ذهبي مع لون احمر نفس لون الاثاث والصبغ اللي بالغرفة قسم بالله انه اغراني هاللون وعلى طول انسدحت على الفراش وما ادري سرت بسااااااابع نومة

قمت من النوم وانا احس بشي يدغدغني بخدي واول ما فتحت عيني حصلت خالد قبالتي و ايده تلعب بخدي وشعري قمت بسرعة وسحبت شيلتي حاولت على الاقل اغطي شوي من شعري بس تفاجات لما سحب الشيلة بقوة ومسك كتوفي و رصني على الفراش وقرب وجهه من وجهي

قلت له بخوف وانا احاول ابعد ايدينه عن كتوفي: خالد ابعد عني احسن لك
ابتسم ابتسامته اللي اكرهها وطالعني بنظراته الشيطانية فقلت له بتحدي
: صدقني اذا حاولت تلمس مني شعرة بصرخ وبلم اهل البيت كلهم
خالد: ههههههه واذا سالوج ليش دخلتي غرفته؟

تلفت بخوف معقولة هذي غرفته اي والله تصير اقولكم من زمااااااان ما دخلت هالبيت ولا اعرف تفاصيله

وفجاة سمعت صوت احد يفتح الباب لما التفت كان باب الحمام والمفاجاة ان اللي كان فاتحه هو مياس اخوي كنت اظن انه بيعصب بيقلب الدنيا ويصرخ علي انتي وش اللي جابج على سريره او حتى يصارخ عليه ليش جالس بهالقرب منها بس انصعقت لما ابتسم وقال: صح النووووم يالكسوووووولة
ابتسم خالد وطالعني حسيت انه كان يقرا افكاري اصلا اكيد يدري اني فرحت لما شفت مياس لانه بيخلصني منه وفرح لما خاب املي

قهرتني ابتسامته واللي قهرني زيادة برود مياس اللي في العادة ما حد يقدر يلتفت يطالعني الا هاب بوجهه, شلون هذا؟؟ انتوا ما شفتوا شلون كان منظرنا

دفرته بعصبية لبست شيلتي وقمت من الفراش بس مسكلي ايدي ووقفني ولما طالعته قال: ما خبرتينا وش اللي جابج لغرفتي؟ ههههههه

اكرهه اكرهه فاهميني صدقوني بيوم من الايام راح اقتله يقهرنـــــــــــــييييييييييييي

مياس: هههههه هموس البنات قالبات عليج الدنيا خاصة دانوووو

ما ادري ليش استحقرته وطالعته بنظرة قاسية وطلعت من الغرفة وانا مفوووووولة عليييييهم

والصدمة ان دانة واجهتني وانا طالعة من غرفة خالد وبالبداية ما انتبهت وصارت تحضني وتلففني بس بعدين انتبهت على الباب اللي كنت طالعه منه وبدون لا تتكلم فتحته والحمدلله ان مياس كان داخل والا كان تفكيرها بيروح بمكان ثاني
وقالت بابتسامة تمحي شكها: انتي هنيه واحنا ندورج من ساعة الله
قلت لها بهدوء وانا ااشر عالغرفة: كنت اظنها غرفة نهى نمت فيها وما دريت عن شي
دانة: طيب يالله تعالي اصلا ما نمتي الا ساعتين البنات هناك باديات يرقصن وجات رنيم رفيجتج
قلت لها: اغسل وجهي واجيكم
دانة: طيب احنا تحت
قلت: اوكيه

ولما جيت ابي امشي ما عرفت باي باب ادخل فناديتها مرة ثانية
داناو
التفتت لي: هلا
قلت: اي غرفة عادي ادخلها؟
ضحكت وقالت: كل الغرف عادي الا هذي خاصة لي وبس
وكانت تاشر على غرفة خالد

ياااااارب انك تحنن قلب خالد عليها وتخليه يحبها مثل ما هي تحبه واكثر
ضحكت لها وقلت: يااااارب ان ما يسكنها اي احد غيرج
قالت باعتراض: لا ما ابي وحدي ابي معاه
انا: ههههه يالله انك تثبت علينا نعمة العقل
دانة وهي تنزل الدرج: هههههه
دخلت الغرفة اللي مقابلتني كانت لونها وردي وفيها نقوشات ورود صفراء وزرقاء عجبني لونها وعرفت انها غرفة نهى دخلت الحمام غسلت وجهي وصرت افكر وانا اطالع نفسي بالمراية يااااااربي وش اسوي كيف اتخلص من هالحثالة والله ان دانة ما تستاهل اللي يصير فيها بس ماعليه انا اعلمه الادب على اصوله والله اني بذوقه الويل

وسمعت دقات عالباب وصار قلبي يرقع بقووووة على بالي انه خالد بس تحديت نفسي واتحداه لاني خلاص ما عدت اخافه

فتحت الباب وبداخلي كل الحماس اني انتقم منه .....

يا ترى شو بيصير بين همس وخالد؟؟

شلون بتنتقم منه؟ وهل بتنجح بهالانتقام؟؟

وماجد بيطلع يحب همس ولا لا؟؟

وشو قصة مياس وتصرفاته الغريبة؟؟

كل هالأشياء بنعرفها في البارت الجاي

وحتى لو ما حصلت منكم تفاعل بنزل البارت الثاني لأني متأكدة انكم ما بتخلون تعبي وأفكاري اللي جالسة بس أكتبها علشانكم تروح ببلاش